ჩვენი ინტერნები
საერთაშორისო ფონდ კურაციოს ინტერნატურის პროგრამის ფარგლებში 2002 წლიდან დღემდე საერთაშორისო და ადგილობრივი უნივერსიტეტების სტუდენტები სტუმრობენ. იხილეთ მათი ვიდეო- კომენტარები პროგრამის ფარგლებში მიღებული გამოცდილების შესახებ.
ტეივი მილერი, ჩრდილოეთ კაროლინას უნივერსიტეტი, ჯანდაცვის სერვისების კვლევის ფილოსოფიის დოქტორანტი (Ph.D.)
ტეივი მილერი CIF-ის სტაჟიორი იყო 2018 წლის ზაფხულის სტაჟირების პროგრამის ფარგლებში. ჩრდილოეთ კაროლინას უნივერსიტეტში სადოქტორო კვლევისას ტეივი ფოკუსირებულია ჯანდაცვის სერვისების კვლევაზე. CIF-ში სტაჟირებისას იგი ჩართული იყო პროექტში, რომელიც მიზნად ისახავდა მედიკამენტებზე მოსახლეობის ხელმისაწვდომობასთან დაკავშირებული საკითხების შესწავლას. თავის ნაშრომში იგი იკვლევდა ფარმაცევტულ სექტორში კონკურენციის ხელშემწყობ და დამაბრკოლებელ ფაქტორებს, რომლებიც გავლენას ახდენენ საქართველოს მოსახლეობისთვის მედიკამენტების ფიზიკურ და ფინანსურ ხელმისაწვდომობაზე.
ტეივიმ CIF-ის შესახებ შეიტყო Health Systems Global-ისგან, მას შემდეგ რაც გაწევრიანდა მათ სოციალური მედიის ჯგუფში, რათა მეტი გაეგო სხვა ქვეყნების გლობალური ჯანდაცვის სისტემების შესახებ. ნახეთ მოკლე ინტერვიუ მისი გამოცდილების შესახებ მეტის გასაგებად.
ემილი უიგინსი, სტაჟიორი ემორის უნივერსიტეტიდან, როლინსის საზოგადოებრივი ჯანდაცვის სკოლა, ქცევითი მეცნიერებისა და ჯანმრთელობის განათლების დეპარტამენტი
ემილი მუშაობდა ლიტერატურის მიმოხილვაზე ჯანდაცვის სხვადასხვა დონეზე — პირველად და მეორეულ რგოლებში — სამედიცინო მომსახურების ხარისხის გაზომვის შესახებ. იგი იძიებდა როგორც რეცენზირებულ სტატიებს, ისე „ნაცრისფერ“ ლიტერატურას (ანგარიშები, გაიდლაინები, კონფერენციის მასალები) ხარისხის შეფასების მეთოდების შესახებ, ხარისხის გაზომვის მეცნიერებაში არსებული უახლესი მიღწევების გათვალისწინებით.
მიმოხილვა ფოკუსირებული იყო შემდეგ ქვეთემებზე:
სამედიცინო მომსახურების ხარისხის შეფასების სხვადასხვა მიდგომა;
ინდიკატორების შერჩევის კრიტერიუმები;
შემოთავაზებული ინდიკატორები ჯანდაცვის სხვადასხვა დონისთვის, მათი განხორციელებადობისა (feasibility) და ბენჩმარკინგის გათვალისწინებით.
არა სრინაგეში, სტაჟიორი ნიუ-იორკის უნივერსიტეტიდან (NYU)
არა სრინაგეში CIF-ს ნიუ-იორკის უნივერსიტეტიდან, სტაჟირების პროგრამის ფარგლებში ეწვია. იგი საზოგადოებრივი ჯანდაცვის სამაგისტრო პროგრამის სტუდენტია, ჯანმრთელობის ხელშეწყობის, დაავადებათა პრევენციისა და შედეგების (Outcomes) სპეციალიზაციით.
ზამთრის სტაჟირების პროგრამის განმავლობაში არა მუშაობდა ლიტერატურის მიმოხილვაზე, რომელიც ეხებოდა აივ-პრევენციასა და რისკ-ქცევის საკითხებს საქართველოში არსებულ საკვანძო პოპულაციებში. მოკლე ვიდეოინტერვიუში არა გვიზიარებს თავის გამოცდილებას სტაჟირების შესახებ და საუბრობს სამომავლო კარიერულ გეგმებზე.
ნატალი ფლასი, ჯონ ჰოპკინსის ბლუმბერკის საზოგადო ჯანდაცვის სკოლა –ნატალი ჩართული იყო ნარკოტიკის მომხმარებელთა ჯანმრთელობის უზრუნველსაყოფი პრევენციული პროგრამების კვლევაში და კვლევის მონაცემთა ანალიზის ნაწილში შეიტანა წვლილი.
ნოემია ტეიხეირა-ფილა, ლონდონის ჰიგიენისა და ტროპიკული მედიცინის სკოლა, დიდი ბრიტანეთი – კურაციოს კვლევით განყოფილების გუნდთან ერთად ნოემია მუშაობდა ჯანდაცვის დაფინანსების ანალიზზე, რომლის მიზანიც მოსახლეობის ფინანსური დაცულობის და თანაბარი ხელმისაწვდომობის მკონცეფციის შეფასება იყო ჯანდაცვის დაფინანსებაში 2010-2015 წლებში.
დაიანა ბი-მაჩადო, ლონდონის ჰიგიენისა და ტროპიკული მედიცინის სკოლა, დიდი ბრიტანეთი – ინტერნატურის ფარგლებში დაიანა ლიტერატურის მიმოხილვით იყო დაკავებული და იძიებდა ინფორმაციას ფსიქიკური ჯანმრთელობის სერვისების პირველად ჯანდაცვაში ინტეგრაციის შესახებ და აანალიზებდა განვითარებული ქვეყნების გამოცდილებას ამ მიმართულებით.
ლინდსი კალმანი, ჯორჯ ვაშინგტონის უნივერსიტეტის მილკენის ინსტიტუტის საზოგადოებრივი ჯანდაცვის სკოლა, აშშ
სტაჟირების პროგრამის ფარგლებში ლინდსი მუშაობდა აივ/შიდსისა და ქცევითი ფაქტორების საკითხებზე. იგი მონაწილეობას იღებს კვლევასთან დაკავშირებული ნაშრომის მომზადებაში და იქნება სამეცნიერო სტატიის ერთ-ერთი თანაავტორი.
სტიუარტ გრინი, ლონდონის ჰიგიენისა და ტროპიკული მედიცინის სკოლის დოქტორანტი
იგი ჩართული იყო კვლევით პროექტში: „ფსიქიკური ჯანმრთელობის ორგანიზება, დაფინანსება და პოლიტიკის ასპექტები“. CIF-ის გუნდთან თანამშრომლობით, მან წვლილი შეიტანა საქართველოში ფსიქიკური ჯანმრთელობის პრობლემების შესახებ ახალი ნაშრომის მომზადებაში. სტიუარტი თავის გამოცდილებას ვიდეოში გვიზიარებს.
ალექსა პაპაილა, ჯორჯ ვაშინგტონის უნივერსიტეტი, აშშ
ალექსა სამაგისტრო პროგრამის სტუდენტია და მისი ინტერესის სფეროს აივ/შიდსი წარმოადგენს. სტაჟირების ფარგლებში იგი ჩართული იყო MSM (მამაკაცები, რომლებსაც აქვთ სექსი მამაკაცებთან) პოპულაციის ზომის შეფასების მეთოდების შესახებ ლიტერატურის მიმოხილვის მომზადებაში და კრიტიკულად გააანალიზა სხვადასხვა ტიპის მეთოდები. ალექსა თავის გამოცდილებას ვიდეოში გვიზიარებს.
სიაბონგა ნდვანდვე, მაკალესტერის კოლეჯი, აშშ
სიაბონგა ეკონომიკის ბაკალავრის ხარისხის მოსაპოვებლად სწავლობს, გლობალური ჯანდაცვისა და საერთაშორისო განვითარების სპეციალიზაციით. ჯანდაცვის დაფინანსების სფეროთი მისმა დაინტერესებამ განაპირობა კვლევა, რომელიც რამდენიმე ქვეყანაში აივ-ეპიდემიაზე გლობალური ფონდის გასვლის (დაფინანსების შეწყვეტის) გავლენას აანალიზებს.
ალექსანდრე კრენგელი, დრექსელის უნივერსიტეტი, აშშ
ალექსი საზოგადოებრივი ჯანდაცვის სამაგისტრო პროგრამის სტუდენტია. იგი დაინტერესებულია გლობალური ჯანდაცვის სისტემებითა და მსოფლიოს მასშტაბით ჯანდაცვის სისტემების დანერგვასთან (იმპლემენტაციასთან) დაკავშირებული საკითხებით. მან 4 კვირა გაატარა საქართველოში CIF-ის ზამთრის სტაჟირების პროგრამის ფარგლებში. ალექსი მოკლედ საუბრობს თავისი პროფესიული ინტერესებისა და იმ პრაქტიკული კვლევითი გამოცდილების შესახებ, რომელიც მან სტაჟირების პერიოდში მიიღო. დრექსელის უნივერსიტეტმა ასევე გამოაქვეყნა მოკლე სტატია ალექსისა და მისი საქართველოში ვიზიტის შესახებ.
რიკარდო მადალოცო, მაკალესტერის კოლეჯი, მინესოტა, აშშ
რიკარდო ბაკალავრიატის სტუდენტია. მან სტაჟირება CIF-ში 2014 წლის ზამთრის პროგრამის ფარგლებში გაიარა. მისი მთავარი ინტერესი გლობალური ჯანდაცვაა და სამომავლო კარიერასაც სწორედ ამ მიმართულებით გეგმავს. რიკარდო სტაჟირების პროგრამის შესახებ თავის გამოცდილებას გვიზიარებს.
ვენზე ტანგი, ვაშინგტონის შტატის უნივერსიტეტი, ვაშინგტონი (DC), აშშ
ვენზე საერთაშორისო ურთიერთობების სამაგისტრო პროგრამის სტუდენტია. მან სამი თვე გაატარა საქართველოში, როგორც CIF-ის სტაჟიორმა. იხილეთ ვიდეო მისი სტაჟირების გამოცდილების შესახებ.
ლუსია კალიცო, მაკალესტერის კოლეჯი, მინესოტა, აშშ და ლაურა კოვარუბიასი, ჯონს ჰოპკინსის ბლუმბერგის საზოგადოებრივი ჯანდაცვის სკოლა, მერილენდი, აშშ.
ლუსია და ლაურა მონაწილეობდნენ CIF-ის 2012 წლის ზამთრის სტაჟირების პროგრამაში. ისინი თავიანთი სტაჟირების გამოცდილებას გვიზიარებენ.